Astiqmatik (torik) göz daxili linzalar

Astiqmatizm, miopiya və ya hiperopiya kimi refraktiv qüsurdur. Astiqmatizmə sahib olan gözün həm uzaq, həm də yaxın görmə qabiliyyəti pozulduğu üçün bulanıq görüntü meydana gəlir. Normalda yuvarlaq əşyalar daha oval görünür. Qaranlıqda avtomobil işıqları kimi işıq əksləri daha çox olur.

Hər insanın müəyyən dərəcədə astiqmatizmi var. Ancaq bu qüsurun dərəcəsi az olduqda, narahatlığa səbəb olmur. Astiqmatizm 1 dioptriyadan yuxarı olanda insanların şikayətləri artır. Buna görə astiqmatizmin müalicəsi vacibdir. Bu proses, eynək və ya kontakt linzalar vasitəsilə simptomu aradan qaldırmaq və ya lazer cərrahi əməliyyatı ilə müalicə şəklində ola bilər.

Göz daxili linzalar

Əsasən həm yaxın, həm də uzaq görmə çətinliyi olan hiperopik xəstələr və ya 40 yaşdan yuxarı görmə çətinliyi olan xəstələr üçün tətbiq olunur. Bu müddət ərzində, öz funksiyasını itirmiş təbii göz oxu çıxarılaraq yaxın, orta və uzaq məsafəni aydın görməni təmin edən, çoxfunksiyalı süni göz içi linza yerləşdirilir. Bu ağıllı linzalar, şüaları məsafələrinə görə sındıraraq, insanların ehtiyacına uyğun şəkildə istiqamətlənir.

Astiqmatik göz içi linzalar nədir?

Bunlara əlavə olaraq, astiqmatizmi müalicə etmək  məqsədi ilə istehsal olunan, xüsusi torik göz içi linzalar da istifadə edilə bilər. Hal hazırda bazarda həm uzaq, həm yaxın, həm də orta məsafəli (ağıllı linzalar) göz içi linzaların astiqmatik (torik) modelləri mövcuddur.

Astiqmatlı göz daxili linza əməliyyatı necə tətbiq olunur?

Xəstənin lazımi müayinələri edilib, ölçmələri alındıqdan sonra həkim tərəfindən xəstəyə ən uyğun olan astiqmatlı göz daxili linzanın modeli təyin olunur. Astigmatlı göz daxili linza əməliyyatı normal bir katarakt əməliyyatından fərqlənmir.

Katarakt əməliyyatı kimi damla anesteziyası ilə həyata keçirilir. Gözün içindəki təbii linza çıxarılır və yerinə astiqmatik (torik) göz içi linza qoyulur. Yalnız son mərhələdə yerləşdirilmiş astiqmatlı göz daxili linza uyğun astiqmatizm oxuna yerləşdirilir.

Əməliyyatdan sonra bağlanan sarğı ertəsi gün müayinə zamanı həkim tərəfindən açılır. Xəstə eyni gündə görməyə başlayır və gündəlik həyatına eynəksiz davam edir. Eyni prosedurları digər göz üçün tətbiq etdikdən sonra, müəyyən bir müddət damcı istifadəsinə əlavə olaraq həftəlik və aylıq həkim yoxlamaları aparılır. Nəticə etibarilə, astigmatizm olan göz içi linzalar sayəsində xəstə astiqmatizm şikayətlərindən qurtulur.

Astiqmatlı göz içi linzalar kimlər üçün uyğun deyil?

Göz içi linzalardan istifadə edəcək xəstələrin hərtərəfli müayinəsi çox vacibdir. Diabet xəstələrində, sarı nöqtə şikayəti olan, qlaukoma (göz təzyiqi) xəstələrində multifokal əvəzinə monofokal torik linzalar istifadə edilə bilər. Multifokal torik göz içi linzalar bu xəstələr üçün istifadə edilə bilməz. Bu səbəbdən, xəstənin mütəxəssis həkim tərəfindən diqqətlə müayinə edilib və ölçüləri alınaraq əməliyyata uyğun olub olmadığına qərar verilməlidir.
  

Katarakt cərrahiyyəsində astiqmatizm

Katarakt xəstələri müayinə edildiyi zaman, xəstələrin 1/3-də 1-1,5 dioptriya və ya daha çox astiqmatizmin olduğu müşahidə edilir. Belə halda, əməliyyat zamanı istifadə olunan göz içi linzanın astiqmatizmli (torik linza) olması daha faydalıdır. İstifadə edilmədikdə isə, əməliyyatdan sonra xəstənin gündəlik həyatda astiqmatizm şikayəti həll olunmadığı üçün eynəkdən asılılığı davam edəcəkdir. Eynək və ya kontakt linzalar, həmçinin göz içi linzalar astiqmatizmsiz ola bilməz.