Diabetik Retinopatiya

Diabetin yaratdığı qandakı yüksək şəkər səviyyəsi, bədəndəki arteriya,vena və kapilyar adlanan çox incə damarlara zərər verir. Diabet xüsusilə gözün sinir qatına (retina və ya gözün ağ qatına) və bu təbəqədəki kapilyarlara təsir edərək görmə itkisinə səbəb ola bilər. Diabetlə əlaqəli retina xəstəliklərinə diabetik retinopatiya deyilir.

   

Diabetik Retinopatiyanın risk faktorları 

Tip 1 və ya insulinə bağlı gənc diabet xəstələrində yetkinlik çağından sonra retinopatiyanın yayılması yaş ilə əlaqədar olaraq artır. Qan şəkərindəki nizamsızlıq retinanın pisləşməsini və xəstəliyin inkişafını asanlaşdırır. Hamiləlik, hipertoniya, qan yağının yüksəkliyi (hiperlipidemiya), böyrək xəstəliyi retinopatiyanı ağırlaşdıran digər amillərdir.

   

Diabetik Retinopatiyanın əlamətləri 

Diabetik Retinopatiyanın ilkin mərhələsində bəzən heç bir simptom olmaya bilər. Diabet görmə mərkəzinə təsir etmədiyi təqdirdə, daha irəli səviyyələrə çatana qədər heç bir simptom olmayacaq və bu, daha ağır nəticələrə səbəb ola bilər. Bu səbəbdən heç bir şikayət olmasa belə şəkərli diabet xəstələrinin, həkimlərinin tövsiyə etdiyi aralıqlarla müayinə edilməsi çox vacibdir. Diabet xəstələri qan şəkəri ilə əlaqəli olmayan və bir neçə gündən çox davam edən görmə fərqləri ilə qarşılaşdıqları təqdirdə həkimə müraciət etməlidirlər.
  

Diabetik Retinopatiyanın müalicəsi 

Arqon lazer fotokoagulyasiyası ilə erkən dövrdə gözdəki damar zədələnməsinin inkişafı dayandırıla və qalıcı görmə itkisinin qarşısı alına bilər. Diabetin səbəb olduğu retina zədələnməsinin bir çox mərhələsində müalicə üçün göz içi inyeksiya tələb oluna bilər. Daha irəli səviyyələrdə Pars plana vitrektomiya əməliyyatı ilə göz daxili qanaxma təmizlənir və   göz içi membranları soyulur.
   

Vitrektomiya cərrahiyyəsi 

Gözün arxa hissəsinə qan yığıldığı təqdirdə vitrektomiya əməliyyatı tətbiq olunur. Vitrektomiya cərrahiyyəsində qanla dolu bölgə təmizlənir və yerinə süni məhlul qoyulur. Diabetik retinopatiyada ən çox tətbiq olunan cərrahi metoddur. 
 

Diabetik Retinopatiyada inyeksiya müalicəsi

Göz qanamasının qarşısını almaq və yenidən qanaxma ehtimalını əngəlləmək üçün dərmanlar hazırlanmışdır. Bu dərmanlar nazik iynə ilə az miqdarda gözə inyeksiya edilir və müalicə aparılır.