Eynəkdən necə azad ola bilərik?

İnsanların gündəlik həyatındakı aydın görmə, sosial və profesionallıq baxımından böyük əhəmiyyət daşıyır. Gözün aydın görüntüsünü yaratma vəzifəsini öz üzərinə götürən linza sistemi düzgün işləmədikdə refraktiv qüsurlar meydana gələ bilər. Miopiya, hipermetropiya və ya astiqmatizm kimi xəstəliklər kornea təbəqəsi və təbii göz içi linzanın, gözə gələn işığı lazım olandan az və ya çox sındırması və ya iki fərqli nöqtədə fokuslanması nəticəsində baş verir.

Refraksiya qüsurlarının müalicəsi

Gözün təbii mərcək sistemində bu refraktiv qüsurlardan ən az biri varsa, sinir təbəqəsində aydın bir görüntü meydana gəlməz və müxtəlif müalicələrə ehtiyac yaranar. Günümüzdəki texnologiya ilə gözdəki refraktiv qüsurların müalicəsi müxtəlif aparatlar və ya cərrahi əməliyyatlarla aradan qaldırıla bilər.
Əksər refraktiv qüsurların əlamətləri eynək və ya kontakt linzalar taxmaqla aradan qaldırılsa da, xəstələr gündəlik rahatlığından güzəştə getməlidirlər. Eynəklər və kontakt linzalar əlavə qulluq və təmizlik tələb edən xüsusi cihazlardır və təbiiyə yaxınlaşa bilmədikləri üçün fasiləsiz aydın görmə təmin edə bilməzlər. Bu səbəblə lazer texnologiyası vasitəsilə həyata keçirilən və xalq arasında "göz korreksiyası əməliyyatı" olaraq bilinən cərrahi əməliyyatlar son 30 ilə öz damğasını vurub. Müasir texnologiyalar sayəsində, artıq "eynəkdən qurtulmaq" ağrısız, sürətli və qənaətli bir şəkildə həyata keçirilir.  

Lazer ilə eynəkdən azad olmaq

Excimer Lazer: Son 30 ildə dünyanın hər yerində milyonlarla xəstəyə uğurla tətbiq olunan Excimer Lazer, effektiv bir müalicə metodudur. Əvvəlcə gözdəki refraktiv qüsurların dərəcəsi hesablanır və kornea quruluşu araşdırılır. Excimer lazerlə kornea quruluşu kompüter dəstəyi ilə yenidən formalaşır və xəstə eynəkdən qurtulur.

Lazer proseduru buynuz qişanın epiteliya təbəqəsinin altındakı stroma təbəqəsinə tətbiq olunur. Excimer Laser texnikası, bu təbəqəyə çatmaq üçün tətbiq olunan üsula görə fərqli alt adlara malikdir.

PRK və ya No-touch: Epiteliya təbəqəsinin spatula və ya alkoqolla çıxarılması və altdakı stroma qatına excimer lazer tətbiq edilməsi PRK; Lazer üsulu ilə çıxarılırsa, buna No-Touch metodu deyilir. Epiteliya əməliyyatdan sonra 4-5 gün ərzində özünü yeniləyir və əməliyyat zamanı insan ağrı hiss etmir. 1-2 gün ərzində batma hissi və ya ağrı ola bilər, görmə qabiliyyətinin kəskinləşməsi bir neçə ay çəkə bilər.

LASIK: Bu üsulla, korneada bir qapaq meydana gəlir. Bu qapaq əvvəllər bıçaqla yaradılarkən günümüzdə femtosaniyəli lazer sistemi ilə həyata keçirilir. Excimer lazer qapağın altındakı toxumaya tətbiq olunur və buynuz qişanın şəkli dəyişdirilir. Standart metoddan başqa, iLASIK adlanan metodda, xəstənin kornea xəritəsi çıxarılır və şəxs fərdi müalicə ilə eynəkdən qurtulur. LASIK-də epiteliya soyulmadığından ağrı və batma hissi minimal və qısa müddətli olur. Lazer sonrası görmə kəskinliyi əksər xəstələrdə bir həftə ərzində maksimum səviyyəyə çatır.

SMILE: 3-cü nəsil lazer texnologiyası olaraq bilinən SMILE metodunda, LASIK-də bir qapaq yaratmaq üçün istifadə edilən femtosaniyə lazerlə kornea daxilində bir toxuma parçası hazırlanır. Cərrah bu toxuma parçasını 2 mm-lik kəsikdən çıxararaq, etiyac yarandığı təqdirdə buynuz qişanın əyriliyini tənzimləyəcəkdir. SMILE Laser metodunun üstünlüyü ondan ibarətdir ki, qapaq yaratma prosesi aparılmadığı üçün əməliyyatdan sonrakı qapaq fəsadları riski olmur, göz quruluğu şikayətləri əhəmiyyətli dərəcədə azalır və orta-yüksək dərəcələrə tətbiq oluna bilər. Uğurlu bir prosedurdan sonra insanın eynəkdən xilas olması mümkündür.  

Lazer müalicəsi sizə nə dərəcədə uyğundur?

Eynəkdən qurtulmağın ən kritik nöqtəsi insanın lazerlə müalicəyə uyğun olub-olmamasıdır. Düzəldilməli olan refraktiv qüsurların dərəcəsi ölçüldükdən sonrakı mərhələdə, xəstənin kornea qalınlığı və quruluşunun bu düzəliş üçün yetərli olub olmadığı araşdırılır. Kornea qalınlığına əlavə olaraq, insanın yaşı, həyat tərzi və varsa digər xəstəliklər qiymətləndirilir.
 

Lazersiz eynəkdən azad olma metodları

Gözə linzaların yerləşdirilməsi (ICL): Bu metod, ümumiyyətlə göz quruluşu lazerə uyğun olmayan yüksək dərəcəli miopiya xəstələrinə tətbiq olunur. Xəstənin təbii linzası qorunur və qarşısına yeni bir göz içi linza qoyulur. Bu göz içi linza ömür boyu gözdə qalır və xəstəyə eynəkdən xilas olmaq imkanı verir.

Göz içi linzanın dəyişdirilməsi (Ağıllı Linza): Əsasən həm yaxın, həm də uzaq görmə çətinliyi olan hiperopik xəstələrə və ya 40 yaşdan yuxarı görmə çətinliyi olan xəstələrə tətbiq olunur. Bu müddətdə funksiyasını itirmiş təbii göz oxu çıxarılaraq yaxın, orta və uzaq məsafəyə aydın görmə təmin edən çox funksiyalı süni göz içi linza yerləşdirilir.

Unutmamaq lazımdır ki, eynəkdən qurtulma əməliyyatında heç bir metodu ən yaxşı metod olaraq adlandıra bilmərik. Hər bir texnologiya və metodun insandan asılı olaraq üstünlükləri və mənfi cəhətləri var. Kritik məqam, xəstə üçün ən uyğun proseduru təyin etməkdir.