Göz daxili linza (Ağıllı linza) müalicəsi

Katarakt yalnız cərrahi yolla müalicə oluna bilər. Katarakt əməliyyatı müasir tibbi texnologiya sayəsində çox asan və rahat şəkildə həyata keçirilir.

Ümumiyyətlə 40 yaşından etibarən elastikliyini itirməyə başlayan təbii linza süni linza ilə əvəz edilə bilər. Yaşla əlaqədar olaraq deformasiyaya uğrayan və funksiyasını yerinə yetirə bilməyən köhnə linzalar Ağıllı linza  adlanan süni linzalar ilə əvəz olunur.

Bu yeni süni linzaların yerləşdirilməsi ilə göz həm uzaq, həm orta, həm də yaxın məsafəyə uyğunlaşaraq, hər məsafəyə uyğun olaraq aydın görmə qabiliyyətini bərpa edir. Ağıllı Linza (Göz içi linza) yerləşdirilən xəstələrin göz nömrəsində irəliləyiş müşahidə olunmur. Uğurlu katarakt əməliyyatından sonra bu xəstəlik yenidən təkrarlanmır.
 

Katarakt əməliyyatında əsasən iki növ linza istifadə olunur:

• Tək fokuslu linzalar 
• Çox fokuslu linzalar (Trifokal, Üç Fokuslu,Ağıllı linzalar)

Tək fokuslu linzalarla tənzimləmə uzaq və ya yaxın məsafələrdən birinə (tək fokus) görə aparılır. Digər məsafələr üçün isə eynək istifadə olunur. Çox fokuslu linzalar (Ağıllı Linza) gözə yerləşdirildikdə uzaq, yaxın və orta məsafədə görmə qabiliyyəti artır və eynəkdən asılılıq aradan qalxır.