ReLEx SMILE Lazer

1990-cı ildən bəri görmə pozğunluqlarında istifadə olunan və 2000-ci ildən sonra bıçaqsız həyata keçirilən, lazer texnologiyası metodunda əldə edilən son nöqtə olan ReLEx SMILE, Batıgöz təcrübəsi və keyfiyyəti ilə tətbiq olunur.  

Smile lazer ən yeni, 3-cü nəsil lazer refraksiya əməliyyatıdır. LASIK-də lazer tətbiq etmək üçün böyük bir kəsik tələb olunsa da, SMILE-də bu kəsik 2 mm-ə endirilir.  

Lazer müalicələrində inqilabi olan və xüsusilə yüksək miyopiyada çox yaxşı nəticələr verən ReLEx SMILE müalicəsi tək lazerlə və bıçaqsız həyata keçirilir. Femto LASIK metoduna nəzərən, nisbətən daha kiçik bir kəsiklə disk çıxarılması (lentikul) şəklində həyata keçirilir. Bunun sayəsində yüksək göz nömrəsinə sahib olan xəstənin təhlükəsiz müalicə, daha az batma, yanma, daha sürətli sağalma və daha az quru göz problemi kimi üstünlükləri vardır.  

Smile lazer cərrahiyyəsində, Carl Zeiss Meditec'in patentləşdirilmiş texnologiyası olan və FDA tərəfindən təsdiqlənmiş VisuMax femtosaniyəli lazerdən istifadə edilir. SMILE prosesində cərrah femtosaniyəli lazerdən istifadə edərək buynuz qişada linza şəklində kiçik bir toxuma (lentikul) yaradır. Daha sonra eyni lazerlə kornea səthində kiçik bir yay şəklində kəsik açılır və cərrah lentikulu bu kəsikdən çıxarır. Kiçik lentikul çıxarıldıqda miopiya düzəldilir və kornea şəkli dəyişdirilir. Kornea kəsiyi tikişsiz, bir neçə gün ərzində sağalır və kəskin görmə qısa müddətdə bərpa olunur.  

ReLEx Smile Lazer kimlərə tətbiq oluna bilər?

• 18 yaş və ya daha böyük olmalısınız.
• Son bir ildə göz nömrələriniz dəyişməməlidir. 
• Miopiyanız -1.00 ilə -10.00 dərəcə arasında, astiqmatizminiz -5.00 dərəcədən böyük olmamalıdır. 
• Göz və kornea sağlamlığınızın ümumi vəziyyəti uyğun olmalıdır.                            

Aktiv həyat tərziniz və ya işiniz varsa, SMİLE sizin üçün LASIK və ya oxşar prosedurlardan daha yaxşı bir seçim ola bilər. Kifayət qədər aktiv birisinizsə, yalnışlıqla kornea qapağını yerindən oynadaraq problem yarada bilərsiniz. SMILE, LASIK kimi bir qapağın kornea içərisində kəsilməsini əhatə etmədiyi üçün, qapaq yaradıldıqdan sonra yarana biləcək fəsadlar da istisna edilir.

Bu səbəbdən ReLex SMILE Lazer metodu aktiv həyat tərzi olan insanlar və peşəkar idmançılar üçün ən uyğun əməliyyat üsulu olaraq ortaya çıxır.

ReLEx Smile Lazer kimlərə tətbiq olunmur?

• Nömrələri dəyişən xəstələr.
• Hiperopiya xəstələri (SMILE ilə hiperopiya müalicəsi işləri davam edir; gələcəkdə hiperopiya xəstələrinə tətbiq oluna biləcəyi düşünülür.)
• 18 yaşdan kiçiklər.
• Dəri və ya yaxşılaşmaya təsir edə biləcək digər xəstəliklərin olması.
• Həddindən artıq çapıq və ya keloid əmələ gəlməsi.
• Kornea degenerasiyası və ya xəstəliyi olanlar.
• İnkişaf etmiş qlaukoma xəstəliyi olanlar.
• Görmə qabiliyyətinə təsir edən katarakt xəstəliyi olanlar.
• Nəzarətsiz diabet.
• Bəzi göz infeksiyaları keçmişi olanlar.
• Hamilə və ya ana südü verənlər.

ReLEx Smile Lazer zamanı yaşayacaqlarınız

Əməliyyatdan əvvəl çox detallı göz müayinəsi nəticəsində göz quruluşunuzun SMİLE əməliyyatına uyğun olub-olmadığı qiymətləndirilməlidir. Əməliyyat zamanı təxminən 27 saniyə çəkən bir lazer proseduru var. Göz oynamasını əngəlləyən vakuum halqası yerleşdirildikdən sonra lazer tətbiq olunur və həkiminiz kornea içindəki hissəni  sadəcə 2 mm olan bir kəsikdən çölə çıxarır. Əməliyyatdan sonra gün boyunca istirahət etməyiniz məsləhətdir.

Gün boyu davam edəcək sulanma, işıqlarda parıltı və gözlərdəki həssaslıq tamamilə normaldır və damcılar vasitəsilə bu problem minimum səviyyəyə endirilə bilər.

ReLEx Smile Lazer-in faydaları

Əməliyyatdan dərhal sonra kornea qapağı yaratmaq üçün böyük bir kəsik edilmədiyindən, qapaq toxuması ilə əlaqəli, qapağın qatlanması və uyğun gəlməməsi kimi komplikasiyalar gözlənilmir. Gözdə yaranan hər hansı bir travmada qapağın yerindən çıxma riski aradan qaldırılır. Daha az kornea kəsikləri meydana gəldiyindən, kəsilən sinirlərin sayı daha az olur və hissiyyat itkisi səbəbiylə göz quruluğu minimum səviyyələrə endirilir. Strukturlaşdırılmış prosedur nəticəsində xəstə görmə rahatlığını bərpa edir.

SMILE yüksək görmə qüsurlarında istifadə olunduğu üçün (miopiyada 10 dərəcəyə, astiqmatizmdə 5 dərəcəyə qədər) yüksək görmə keyfiyyətini təmin edir.