Uşaqlarda göz sağlamlığı

Uşaqlar, anadangəlmə görmə problemi ilə dünyaya gələ bilər. Erkən diaqnoz göz xəstəliklərinin müalicəsi üçün çox vacibdir. Ümumiyyətlə, körpələr 3-4 yaşına qədər oftalmoloqa ehtiyac duymazlar. Bununla birlikdə, bəzi genetik mənşəli göz xəstəlikləri və ya fərqli mənbələr erkən aşkar edilə və tamamilə müalicə edilə bilər. Gec aşkar olunan hallarda, bu müalicələrin daha çətin olduğu bilinir.  

Körpənin gözündə rəng dəyişikliyi, ləkə, sulanma, çirklənmə və ya struktur pozğunluğu varsa (çəpgözlük, göz qapağının sallanması və s.), dərhal oftalmoloqa müraciət edilməlidir.  

Uşaqlarda görmə qabiliyyətinin inkişaf etdiyi və oturduğu kritik dövr adlanan 0-4 yaş arasındakı dövrdə; yaşlılıq xəstəliyi olaraq bilinsə də, ilk aydan etibarən edilən müayinədə katarakt, göz təzyiqi və bəzi retina xəstəlikləri ortaya çıxa bilər. Bu xəstəliklər ilk 2 ayda görmə qabiliyyətinə təsir edərək ciddi və dərin göz tənbəlliyinə səbəb ola bilərlər.  

Körpələrdə və ya uşaqlarda meydana gələn çəpgözlük, başqa xəstəliklərin də göstəricisi ola bilər. Sinir xəstəlikləri, retinada baş verən pozğunluqlar, beyin şişləri, beyindəki damar anevrizması da sonradan çəpgözlüyə səbəb ola bilər. Anadangəlmə çəpgözlük ilk 6 ayda ortaya çıxan və daha çox cərrahi əməliyyatla ortadan qaldırılan problemdir. Çəpgözlüyün 2-3 yaşında ortaya çıxan növü, eynək vasitəsilə müalicə olunur.  

Hətta 5-6 aylıq bir körpənin görmə qüsuru, çox yüksək dərəcəlidirsə ona eynək verilir. Bundan əlavə, baglama müalicəsi də tətbiq olunur. Sağlam gözü və ya görmə qüsuru olan gözü müəyyən aralıqlarla bağlayaraq, digər gözün funksiyasını artırmaq və beləliklə tənbəl gözün qarşısını almaq hədəflənir. Bütün bunlara baxmayaraq, istənilən irəliləyiş əldə olunmazsa, çəpgözlük əməliyyatı tətbiq olunur.