Quru göz testi

Göz quruluğunun müxtəlif səbəbləri var: 

Linzaların uzunmüddətli istifadəsi, kondisionerli mühitlər, gözlərdəki cərrahi əməliyyatlar, uzun müddət parlaq ekrana (kompüter, televizor, planşet, mobil telefon və s.) baxmaq, siqaret çəkmək, revmatizm və ürək xəstəlikləri, şəkər xəstəliyi, qlaukoma, yaşlılıq, ətraf mühit faktorları və bəzi dərmanlar.

Göz yaşı bir növ gözü yuyur, qoruyur və təmizləyir. Göz yaşı ifrazının kifayət qədər olub-olmaması Schirmer Testi ilə asanlıqla aşkar edilə bilər. Bu test göz quruluğu və ya həddindən artıq sulanma olduğu, həmçinin göz yaşı həddən artıq ifraz olduğu halda tətbiq oluna bilər.

Xəstənin alt göz qapağına kalibrlənmiş kağız yerləşdirilir və müəyyən müddət ərzində  kağızın nə qədər nəm olduğu yoxlanılaraq, diaqnoz üçün lazımi məlumatlar toplanır. Schirmer Testi lokal anesteziya altında da edilə bilər.